多點包容

如果有一日

囝囝同我講

亞媽 我鍾意左個男人

我會好唔開心

唔開心係擔心佢條路會好難行

香港係一個國際大都會

表面好似好開放

實質就非常保守

成日聽到人開口死基佬

埋口死基婆

極盡歧視

實在唔明

人地既性取向點解會關外人事

人地攬住個同性對外人有威脅咩

佢地阻住個地球轉咩

還是唔抨擊下同性戀者

D衛道之士就會無咩野做呢

好多同性戀係天生既

唔係佢地想揀呢條路去行

係個天比左個錯既身體佢地

叫佢地去鍾意一個異性

就等同叫異性戀者去鍾意一個同性

想想叫我攬住個女人KISS

諗起都打冷陣啦
將心比己 點解要歧視佢地呢

不過先天又好後天都好啦

都希望呢個社會真係多D包容體諒同接納
不同思想不同膚色都活得自由開心就最好喇