遲來的感謝

幾年前, 妹妹同爸爸在不出一年裡面分別患上重病
當時我仔仔係英國讀緊書
真係差唔多已經傾盡所有
又要照顧妹妹老爸
又要擔心佢地o既醫療費用
又唔敢同仔仔講
因為佢同亞姨感情好好
怕佢在異地擔心
真係幾乎精神崩潰
當時有位老同學
佢只係同我講左句
你夠唔夠錢呀
唔夠你要開聲喎
果刻真係好感動
雖然最終我都唔須要佢幫
同細佬兩個搞掂左筆醫藥費
但係果份感激一路放係心入面
當係最困難果時有人真心咁關懷你
果份溫暖真係非筆墨可以形容
希望老同學妳唔好介意呢句遲來的感謝
多謝你呀Michelle


PS : 除左多謝老同學
最緊要多謝我老公
如果唔係老公一齊幫手照顧妹妹同老爸
我都唔知點算好

救世軍月餅捐贈

中秋又將至喇

大家屋企係咪年年都會有好多月餅淨低呢

與其浪費左佢

不如諗下捐左佢啦

救世軍年年都舉辦月餅捐贈

佢地會將d月餅捐贈比長者

等佢地可以開開心心咁過節

大家做左善事又環保

人都開心d啦

大家可以去救世軍個網址度睇下嫁

(我個blog無咩人睇, 大家幫手推下呢個活動啦)

睇唔過眼

星期六本來唔洗返工

不過有report趕咪返左公司幾個鐘

放工果時搭火車去沙田

一上火車就見到有位女仕抱住個BB

居然無人讓位比佢

果位女仕抱住個B又無手去扶

企到係咁左右搖擺

我即時環顧左右座位

坐係度有老人家 有人挽住一大堆行理 有人抱住BB

當然唔適合讓座啦

但係我見到有位好年青o既男仕

好優閒咁坐係度 而坐佢對面果位女仕又係抱住B o既

佢好似全無意識要讓個位比人

跟住我聽到對面座位抱B女仕叫佢囉件BB衫

我先知佢地係兩夫婦

果刻不禁無名火起三千丈

你都係人丈夫 你都想你太太抱B搭車有人讓坐啦

點解掉唔轉頭諗野嫁

於是我行去佢面前

好大聲咁同佢講

先生 你係咪應該有風度d讓個位比果位女仕呢

果刻我feel到好多人望住佢

於是佢好面朦咁望下我又望下其他人

好唔情願咁起左身讓個位比抱B女仕

咩人泥嫁........

多謝老公

煮飯對我呢個女人泥講

真係一件超煩o既事

我完全無煮餸o既天份

炒碟菜都難食過人

好彩我老公煮餸好好味

嫁左佢廿幾年

大多數都係佢煮比我食

有時個仔知爸爸返中更煮唔到飯

就情願出街食

因為我煮得實在太差

所以係度要多謝老公咁錫我

老公呀老公

你要長命百歲唔好死先過我喎

如果唔係你老婆我一定會好快餓死嫁

枷鎖 愛 恨

日本國民正受天災之苦難

在此獻上至誠祝福

祝願日本盡早走出谷底

希望大家停止"罪有應得" "因果報應"論

戰爭與天災請不要混為一談

日本曾為中國帶來數不清的悲痛恥辱

事實亦欠下中國人一筆血債

心懷不憤不能原諒是可理解

但歷史帶給我們的不是枷鎖

而是教訓經驗與智慧

帶著仇恨只會令人心靈扭曲

生命是寶貴的

人性亦應是光輝的

請大家停止仇恨論

為日本人獻出關懷與愛

貧窮線下

原來香港每四位小孩就有一個是活在貧窮線下

在這個知名的大都會裡

有此數據實在令人有點驚訝嘆息

現今香港每個人都為了地產商打工

人盡皆知苦不堪言唯獨政府不知

貧者越貧富者越富

有人手挽百多萬的手袋

有人三餐不繼住籠屋

(香港政府有規定每個雞籠的雞隻數目及面積~~那麼人呢~~可嘆)

我們的政府究竟是坐視不理

還是官商勾結

嘿嘿 真是天曉得



前幾天就看了一個電視節目

關於兩個貧窮線下的家庭

當中四位人物包括兩個小孩

雖然生活艱苦但他們用積極樂天的態度去面對

特別是”信誓”的媽媽

經常笑容滿面一點也不怨天尤人

辛苦工作不領取綜援是為了作兒子的好榜樣

真令我由衷佩服亦令我有所反思

人生快樂滿足與否

其實只在乎自己的心魔

學習

今日約左兩位同學飲茶

老同學相見言談甚歡

屈指一算...我地識左就快三十二年

時間過得真係快

有時攬鏡自照會嚇一跳

鏡入面果個"午夜怪談"係邊個

明明18歲囉左成人身份證無幾耐之嘛

點解我個小朋友都成廿幾歲

好多時我會懷愐過去擔憂未來

卻似乎忽略左最重要o既現在

既然己經走左半個世紀

餘下o既時日無人知重有幾多

就讓我好好學習活在當下

愛我身邊每一個人

珍惜每一件事

過去當然要懷愐 當下要好好欣賞 將來要充滿盼望

咁樣人生先會充實